Shtetet gjermane po bëjnë presion për një zgjatje të mbylljeve dhe kufizimeve gjithëpërfshirëse deri në dhjetor, përpara një konference me kancelaren Angela Merkel të mërkurën për të koordinuar përgjigjen e vendit ndaj pandemisë së COVID-19.

Propozimet e tyre sugjerojnë reduktimin kufirit të pjesëmarrjes në tubime në dy familje deri më 20 dhjetor, me rregulla potencialisht më të lirshme për periudhën e festave të Krishtlindjeve.

Rregulla më të rrepta për mbajtjen e maskave dhe karantinës në shkolla janë gjithashtu në shqyrtim.

Kryeministrat gjermanë propozuan, gjithashtu, ndalimin e fishekzjarrëve, që lëshohen tradicionalisht në Gjermani gjatë periudhës së Vitit të Ri.

Merkel dhe politikanë të tjerë kryesorë e kanë përgatitur publikun gjerman për një zgjatje të mbylljes aktuale, që u njoftua fillimisht vetëm për muajin nëntor, pasi rritjet ditore të infektimeve të konfirmuara vazhdojnë të mbeten të larta./atsh/