Kryeministri i vendit, Avdullah Hoti ka përkujtuar bashkëthemeluesin e Lidhjes Demokratike të Kosovës (LDK), Xhemail Mustafa, në 20 vjetorin e vrasjes së tij.

Hoti, ka vizituar varrin e Mustafës, duke thënë se ishte ndër figurat qendrore të rrugëtimit tonë për liri dhe pavarësi, raporton arbresh.info.

“Në 20 vjetorin e vrasjes, kujtojmë dhe nderojmë jetën dhe veprën e intelektualit, veprimtarit e patriotit të çështjes kombëtare, Xhemail Mustafa. Bashkëpunëtor i ngushtë i Presidentit Rugova, një prej themeluesve të Lidhjes Demokratike të Kosovës, publicist e shkrimtar, Xhemail Mustafa ishte ndër figurat qendrore të rrugëtimit tonë për liri dhe pavarësi”, ka shkruar Hoti në Facebook.

Sipas tij, dija, penda dhe angazhimi i Xhemail Mustafës ishte në funksion të artikulimit të së drejtës tonë për liri dhe pavarësi përmes informimit të opinionit vendor e ndërkombëtar./arbresh.info/

Postimi i plotë:

Në 20 vjetorin e vrasjes, kujtojmë dhe nderojmë jetën dhe veprën e intelektualit, veprimtarit e patriotit të çështjes kombëtare, Xhemail Mustafa.

Bashkëpunëtor i ngushtë i Presidentit Rugova, një prej themeluesve të Lidhjes Demokratike të Kosovës, publicist e shkrimtar, Xhemail Mustafa ishte ndër figurat qendrore të rrugëtimit tonë për liri dhe pavarësi.

Dija, penda dhe angazhimi i Xhemail Mustafes ishte në funksion të artikulimit të së drejtës tonë për liri dhe pavarësi përmes informimit të opinionit vendor e ndërkombëtar.