Bekteshi: 400 kompani do të marrin mbështetje financiare nga shteti

23:14 | 10 Nëntor 2020
A. B.

Ministri i Ekonomisë, Kreshnik Bekteshi informon se 400 kompani do të marrin mbështetje financiare nga shteti

“Gjithsej 400 kompani që kanë investuar gjatë dhe në periudhën post kovid do të marrin një total prej 17.2 milion euro mbështetje financiare nga shteti.

Sot, Qeveria miratoi listën e kompanive që plotësuan kushtet nga Thirrja Publike për mbështetje financiare për të forcuar konkurrencën

Kjo do të thotë që kjo masë do të zbatohet, e cila ishte pjesë e Pakos së tretë të masave ekonomike në kuadër të Ministrisë së Ekonomisë për parandalimin e pasojave nga Covid 19.

Në periudhën e ardhshme, Ministria e Ekonomisë do të nënshkruajë marrëveshje me kompanitë për realizimin e investimeve, me çka do të filloj edhe pagesa e mjeteve.

Qëllimi i kësaj mase është të mbështesë drejtpërdrejt kompanitë në mënyrë që të stabilizojnë dhe rinovojnë konkurrencën e tyre, duke përfshirë kthimin e tregjeve të humbura, me çka do të mbahen sipërmarrjet e biznesit që do të kontribuojnë në rimëkëmbjen e ekonomisë vendore përmes realizimit të një projekti investimi gjatë dhe në periudhën post covid nga marsi 2020 deri në dhjetor 2021”, shkruan Bekteshi në Facebook./Telegrafi/