Chelsea do provojë transferimin e mbrojtësit të Borussia Monchengladbach, Matthias Ginter gjatë afatit të janarit.

Gjermani ishte i lidhur me kalimin në “Stamford Bridge” para se “Blutë” të transferonin Thiago Silva-n, transmeton portali arbresh.info.

Klubi londinez dëshiron të përforcojë mbrojtjen dhe Ginter shihet si lojtari ideal për të luajtur pranë Kourt Zouma-s.

Ginter ka fituar vendin në formacionin e parë të Monchengladbach, derisa mahniti të gjithë me paraqitjen ndaj Real Madrid-it.

Sidoqoftë, tani në ‘zemrën’ e mbrojtjes të Chelsea janë Zouma dhe Silva, por meqenëse braziliani është 36-vjeçar, klubi i madh anglez duhet të gjejë pasuesin menjëherë.

Kartoni i Ginter thuhet se vlen rreth 35 milionë euro, derisa Monchengladbach është i hapur për negociata./arbresh.info.