Nuk ka luajtur ende asnjë ndeshje në Ligën Premier, por pritshmëritë për të janë shumë të mëdha.

Rhys Williams ka luajtur tanimë katër ndeshje për ekipin e parë të Liverpoolit, dy në EFL Cup dhe dy të tjera si zëvendësues në Ligën e Kampionëve.

Qendërmbrojtësi i talentuar anglez po shihet si zëvendësuesi adekuat i holandezit Virgil Van Dijk që ka pësuar një lëndim të rëndë dhe do të mbetet jashtë fushave për rreth gjashtë muaj.

Edicionin e kaluar ai ishte i huazuar te Kidderminister duke fituar përvojë të mirë me ekipin e parë.

Mirëpo në Angli kanë filluar të shkruajnë për të si zëvendësuesi adekuat i Van Dijk, duke parë edhe gjatësinë e përafërt.

Skuadra ku ishte ai i huazuar Kidderminister nuk bënë pjesë në futbollin profesionist dhe në Angli të gjithë po befasohen si ai bëri hapin gjigant nga një ligë jo profesioniste në Ligën e Kampionëve.

Klopp i ka dhënë hapësira atij në ndeshjet ndaj Ajax dhe Midtjyland, ndërsa Williams ka luajtur nga 90 minuta edhe ndaj Lincoln City e Arsenal.