Kanë përfunduar dy ndeshje në kuadër të xhiros së nëntë të Superligës së Kosovës.

Drita ka mposhtur në udhëtim Arbërinë me rezultat minimal 0 – 1, derisa Feronikeli në shtëpi ka fituar ndaj Llapi-t (1 – 0), shkruan portali arbresh.info.

Në ndeshjen mes Arbërisë dhe Dritës, dy skuadrat zhvilluan ndeshje të bukur, por ishte kampioni i Kosovës që arriti të realizoi një herë.

Ishte Bujar Shabani që në fundin e pjesës së parë (45′) realizoi për t’i dhuruar pikët e plota skuadrës nga Gjilani.

Pas kësaj fitore, Drita qëndron në pozitën e dytë me 16 pikë, derisa Arbëria në të pestin me 11 sosh.

Kurse, Feronikeli mposhti Llapi-n fal supergolit të Yll Hoxhës nga largësia në minutën e 53-të.

Kjo fitore i ndihmoi skuadrës nga Drenasi të ngritën në pozitën e shtatë me 10 pikë, derisa Llapi renditë në vendin e parafundit me vetëm pesë pikë të tubuara./arbresh.info.