Më shumë se 70 migrantë janë hedhur nga anija e shpëtimit, ndërsa ishin në pritje të lejes për t’u ankoruar në Italinë jugore.

Sipas organizatës së bamirësisë “Open Arms”, migrantët u hodhën në det pasi mësuan se leja për të hyrë në Malta u ishte refuzuar.

Ata u shpëtuan të mërkurën nga autoritetet italiane në brigjet e Palermos, në jug të Siçilisë, shkruan skyneës, transmeton portal arbresh.info

Anija e kërkim-shpëtimit mori tre grupe të ndara gjatë përpjekjeve për të kaluar Mesdheun me anije të vogla javën e kaluar dhe kishte rreth 280 migrantë dhe refugjatë në bord.

Rojet bregdetare italianë kanë shpëtuar dy gra shtatzëna dhe një burrë, të cilëve u është dhënë ndihma mjekësore.

Evarist Bartolo, ministri i jashtëm maltez, tha se ishulli i vogël nuk është në gjendje të pranojë më migrantë dhe refugjatë dhe se i takon BE-së të zbatojë një sistem për ata që shpëtohen nga bamirësi ose anije tregtare.

Në fillim të javës, Italia ka lejuar 27 migrantë që të hynin në territorin e tyre, të cilët kaluan rreth 40 ditë në një anijë daneze.

Në anën tjetër, Greqia është duke u përballur me një tjetër ‘luftë’ të emigrantëve.

Pas zjarrit në një kamp në ishullin Lesbos, më shumë se 120 mijë njerëz janë lënë në mëshirën e një strehimi emergjent dhe pa ushqime.

Kampi i ri është gati të pranojë të paktën 5,000 njerëz, megjithatë të mërkurën vetëm 1,200 ishin zhvendosur.

Në një deklaratë, policia tha: “Ky është një operacion për mbrojtjen e shëndetit publik dhe me një mision të qartë humanitar”.

Grupet humanitare kanë kritikuar Bashkimin Europian, duke argumentuar se po braktis migrantët që përpiqen të bëjnë kalimin e rrezikshëm të detit nga Afrika e Veriut./arbresh.info/