Kreu i komunës së Prizrenit dhe anëtari i Kryesisë së Vetëvendosjes, Mytaher Haskuka, në Interaktiv të KTV-së ka thënë se nuk ka ndonjë informacion se ka pasur bisedime ndërmjet Vetëvendosjes dhe AAK-së rreth çështjes së shkuarjes në zgjedhje.

Megjithatë, ai ka insistuar se nga Vetëvendosje duan me çdo kusht që të ketë zgjedhje të reja, transmeton KOHA.

“S’jam i informuar lidhur me AAK-në. Nuk është diskutuar në Kryesi apo organet e tjera të Vetëvendosjes. Kosova duhet të shkojë në zgjedhje, pa marrë parasysh çështjet që lidhen me presidentin. Pasi Kosova meriton një qeveri që e lidhur me votën e jo me pazaret. Nëse paraqitet mbështetja e partive të tjera duhet të votohet mocioni i mosbesimit. Pas 20 viteve duhet të kemi një Qeveri që bazohet në vullnetin qytetar, prandaj me çdo kusht duam zgjedhje të reja”, ka thënë Haskuka.