Mbrojtësi i Napoli-t, Amir Rrahmani ka bërë me dije që nuk do ta këtë problem të adaptohet në mbrojtjen e skuadrës italiane.

Rrahmani gjatë janarit u bë lojtar i Napoli-t, vazhdoi në formë huazimi deri në fund të edicionit 2019-20, transmeton portali arbresh.info.

Kosovari tani është duke u përgatitur për sezonin e parë me Napoli-n, ndërsa ka folur në konferencë.

“Jam agresiv, i fortë në ajër por edhe në tokë, këto janë karakteristikat e mia. Kam luajtur shumë herë në titullar, edhe në Kombëtare me pëlqen të luaj aty”.

“Nuk do e kem problem të adaptohem në mbrojtjen e re”.

“Jam gjithmonë gati të ndihmojë skuadrën dhe trajnerin. Nuk kam shënuar shumë gola, ndërsa synojë të shënojë këtë edicion me Napoli-“, deklaroi ai.

Rrahmani gjithashtu zbuloi si pranoi ofertën e Napoli-t, duke konfirmuar se gjiganti italian kontaktoi agjentin.

“Ata kontaktuan agjentin dhe Napoli ishte zgjidhja ime e parë. Nga ai moment, nuk mendova për asgjë tjetër, isha i sigurt që doja të vija këtu”, përfundoi ai.

Rrahmani gjithashtu është i ftuar nga përzgjedhësi Bernard Challandes për përballjet ndaj Moldavisë dhe Greqisë./arbresh.info.