Një person është gjetur pa shenja jete sot në rrugën Prishtinë-Mitrovicë.

Viktima është gjetur në një autoservis.

Sipas Policisë së Kosovës viktima është mashkull dhe rasti i tij është cilësuar si vdekje e dyshimtë.

Zëdhënësja e Policisë së Kosovës për rajonin e Prishtinës, Flora Ahmeti, i ka thënë arbresh.info se  personi është gjetur rreth orës 11:00 në një autoservis.

“Sot rreth 11:00, kemi pranuar informatën për një person pa shenja jete në rrugën Prishtinë -Mitrovicë, saktësisht në një autoservis. Viktimë në këtë rast është një person (mashkull), vdekjen e të cilit e ka konstatuar ekipi mjekësor në vendngjarje. Hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin, i cili është cilësuar si vdekje e dyshimtë, ndërkohë që trupi i pajetë është dërguar për obduksion”, ka thënë Ahmeti./arbresh.info/