Barcelona është në dijeni që ylli i skuadrës, Lionel Messi mund të largohet gjatë verës dhe e shohin sulmuesin e Juventus-it, Paulo Dybala si pasuesi i duhur.

Situata është mjaftë e ndërlikuar, derisa dy argjentinasit nuk e kanë rinovuar kontratën, transmeton portali arbresh.info.

Dybala ka kërkuar pagesë prej 15 milionë euro në vit, e cila do t’i dyfishonte pagesën momentale.

Ndërsa, Messi është i zemëruar me situatën te Barcelona dhe thuhet se ka kërkuar largimin.

Kontrata momentale i skadon në qershorin e vitit 2021 dhe ai asnjëherë nuk ishte më pranë largimit nga “Camp Nou”.

Sipas Tuttosport, nëse Messi kërkon largimin, atëherë 26-vjeçari Dybala shihet si zëvendësuesi adekuat.

Për argjentinasin ka interesim Inter-i dhe Manchester City, por Juventus-i nuk do e hidhte poshtë mundësinë që të krijojë sulmin Messi – Ronaldo./arbresh.info.