Ylli i PSG-së, Neymar mund të mos jetë i pranishëm në finalen e Ligës së Kampionëve, pasi dje shkëmbeu fanellën pas fitores ndaj RB Leipzig-ut.

Skuadra franceze dje siguroi kualifikimin në finale pas 25 viteve, duke e mposhtur klubin gjerman me rezultat bindës 3 – 0, transmeton portali arbresh.info.

Por, sipas Sun, PSG-ja mund të jetë pa Neymar shkaku që ky i fundit shkëmbeu fanellën me Marcel Halstenberg, që është në kundërshtim me rregullat e UEFA-s.

Faqja e 31-të e UEFA-s thotë se lojtari është i rekomanduar të mos shkëmbejë fanellën.

“Rikthimi në futboll zhvillohet përmes protokollit. Lojtarët janë të rekomanduar të mos shkëmbejnë fanellat”, është shkruar në faqen e 31-të të UEFA-s.

Në ditët e ardhshme pritet vendimi final i UEFA-s për kapitenin e Brazilit./arbresh.info.