Ish-ambasadori i Gjermanisë në Kosovë, Christian Heldt, ka arritur në Berlin ku edhe është futur në vetizolim.

Ai tashmë ka hapur një profil të ri në Twitter – pasi atë të ambasadorit gjerman në Kosovë do ta trashëgojë pasardhësi i tij në këtë post – ku cicërimën e parë ka zgjedhur t’ia dedikojë kosovarëve.

“Kam arritur mirë në Berlin ku jam në vetizolim deri të hënën në mëngjes kur do të testohem. Cicërima e parë i dedikohet miqve të mi në Kosovë për t’i falënderuar për të gjitha përshëndetjet në rrjetet sociale. Jam akoma plotësisht i emocionuar, mirënjohës dhe ju përulem. E kam bërë vetëm punën time…por, e kam shijuar jashtëzakonisht shumë”, ka shkruar Heldt në Twitter, transmeton Telegrafi.

https://twitter.com/cheldtberlin/status/1286723336907763712?ref_src=twsrc%5Etfw%7Ctwcamp%5Etweetembed%7Ctwterm%5E1286723336907763712%7Ctwgr%5E&ref_url=https%3A%2F%2Ftelegrafi.com%2Fish-ambasadori-heldt-arrin-ne-berlin-falenderon-kosovaret%2F

Pasi i ka përfunduar mandati si ambasador i Gjermanisë në Kosovë, Heldt gjatë ditës së djeshme përmes një videoje në Twitter ka falënderuar të gjithë kosovarët për mikpritjen dhe miqësinë që i kanë ofruar.

https://twitter.com/GERonWEB/status/1286568615416934407?ref_src=twsrc%5Etfw%7Ctwcamp%5Etweetembed%7Ctwterm%5E1286568615416934407%7Ctwgr%5E&ref_url=https%3A%2F%2Ftelegrafi.com%2Fish-ambasadori-heldt-arrin-ne-berlin-falenderon-kosovaret%2F

Ai, duke iu referuar një thënie gjermane, ka thënë se po e lë një valixhe në Kosovë ku do të kthehet sërish si mik.