Dhurata Dora dhe Azet kanë gati edhe bashkëpunimin e dytë mes tyre.

Në dhjetor të vitit 2019, Dhurata Dora dhe Azet u shfaqën për herë të parë bashkë në një performancë në Stutgart të Gjermanisë, duke ngritur në këmbë publikun gjerman.

Energjia që sollën në skenë dhe pëlqyeshmëria e publikut bëri që dyshja shumë shpejt të vijnë me një bashkëpunim, i cili po ashtu është pëlqyer shumë.

E publikuar në shkurt të këtij viti kënga numëron më shumë se 17 milion klikime në kanalin “Youtube”.

https://www.instagram.com/p/CCoNdfOlztU/?utm_source=ig_embed&utm_campaign=embed_video_watch_again

Por nuk mbaron me kaq bashkëpunimi mes dy artistëve.

Dhurata dhe Azet kanë tashmë gati bashkëpunimin e ri, për këngën me titullin ‘Fajet’, që do të publikohet me datë 16 korrik në orën 23:59.

T7 ka mësuar disa detaje rreth kësaj kënge që padyshim pritet të shndërrohet në një nga hitet e momentit.

Videoklipi i këngës është xhiruar në Spanjë ndërsa befasia është se Azet do të interpretojë në gjuhën shqipe edhe pse nuk do të mungojnë strofa në gjermanisht.