Kryetarja e Kuvendit të Kosovës, Vjosa Osmani është kërcënuar përmes rrjetit social Twitter nga një person.

Portali  “arbresh.info”, nga burime brenda Policisë së Kosovës e kanë konfirmuar këtë gjë.

Edhe Policia e Kosovës në raportin e saj 24 orësh ka raportuar për një rast kërcënimi në gjuhen angleze përmes llogarisë të rrjetit social Twiter.

“Kanosje. Sheshi Ibrahim Rugova, Prishtinë, 23.06.2020-16:37. Ankuesi mashkull kosovar, ka raportuar se në llogarinë e rrjetit social Twiter ka ardhur një kërcenim në gjuhën angleze. Lidhur me rastin është njoftuar prokurori”, thuhet në raport.

Nga ana tjetër portali arbresh.info merr vesh se rastin në polici nuk e ka raportuar kryeparlamentarja Osmani, por një nga këshilltarët e saj, për këtë arsyeje edhe në raport të policisë thuhet se ankesa është bërë nga një mashkull./arbresh.info/