Tifozë në rrjetin social Twitter kanë hedhur dyshim se humbja e Borussia Dortmundit kundër Mainzit ishte e kurdisur, në mënyrë që Werder Bremeni të bjerë nga liga dhe rrjedhimisht Milot Rashicës t’i ulet çmimi.

Bayern Munich u konfirmua në mesjavë si kampioni i Bundesligës për herë të tetë radhazi, mirëpo beteja në skajin tjetër të tabelës, për mbijetesë, mbetet e zjarrtë, veçanërisht pasi fitores së Mainzit me rezultat 2:0 kundër Dortmundit, transmeton Gazeta Express.

Më rënien e Bremenit nga liga, çmimi i Milot Rashicës do të përgjysmohej, shkaku i një klauzole në kontratën e tij, përderisa për transferimin e tij janë interesuar shumë klube, në mesin e të cilave edhe Leipzigu dhe Dortmundi.

Kjo ka bërë që disa tifozë të hedhin dyshime mbi rezultatin e ndeshjes mes Dortmundit dhe Mainzit.

Werder droht Katastrophe – BAUMANN „Für mich die schwierigste Situation“ https://t.co/LeS50y9bTj #Werder

— BILD Werder Bremen (@BILD_Werder) June 18, 2020

Bremeni do ta vizitojë Mainzin në njërën nga nëntë ndeshjet e Bundesligës që do të nisin në orën 15:30, ndërsa do ta presë Colognen për ditën e fundit të sezonit më 27 qershor. Tifozët shpresojnë se Rashica, i cili s’ka shënuar gol që nga dhjetori, do të kthehet në formën e tij të vjetër për këto “finale”.