Ministri i Shëndetësisë, Armend Zemaj bashkë me drejtorin e IKSHPK-së, Drejtorin e Policisë së Kosovës dhe drejtuesit  e Inspektoratit Shëndetësorë dhe atij Sanitar (AUVK) kanë mbajtur konferencë për media, shkruan arbresh.info.

Drejtori i Institutit Kombëtar të Shëndetit Publik në Kosovë, Naser Ramadani ka deklaruar se nëse qytetarët nuk respektojnë masat kundër covid-19, do të rekomandojnë Ministrinë e Shëndetësisë që t’i rikthejnë masat.

“Kemi situatën nën kontrolle, ky sukses është i jashtëzakonshme. Lehtësimi i masave, festat, kanë bëre që të rritet e lëvizja që kanë bërë që të rriten rastet në 6 komuna. Të gjitha këto janë si rezultat i mosrespektimit të masave. Shpresojmë që edhe këtë javë ta kalojmë pa pasoja ose me pasoja më të lehta. Virusi akoma është në mesin tonë, mbahuni masave. Me lehtësimin e masave kemi dëshmuar se mund të menaxhojmë mirë situatën. I lus qytetarët të mos neglizhojë virusin, përndryshe i rikthehemi masave për parandalimin e virusit”, tha Ramadani/arbresh.info/