Agjencia për Siguri Kombëtare (ASK) apo ish DSK-ja e reformuar ende ka mundësi teknike për qasje në bisedat e përgjuara që i incizon Agjencia Operativ e Teknike, pohon ministri i Brendshëm Naqe Çulev. ASK ka ruajtur opsionet teknike që ndjekja e komunikimeve me ndërmjetësimin e ATO-së, në vend se në Ministrinë e Punëve të Brendshme, të kalojë fillimisht tek kjo ASK-ja. Sipas Çulevit, kjo është në kundërshtim me rekomandimet e Pribesë për reforma në sektorin e sigurisë.

“Tani, në kundërshtim me ligjin, kablloja optike, në vend që të shkojë direkt në Ministrinë e Brendshme, është lënë të shkojë nga Agjencia Teknike Operative përmes Agjencisë së Sigurisë Kombëtare dhe më pas në Ministrinë e Brendshme. Pra, në këtë mënyrë, unë nuk e di dhe nuk pohoj se ASK-ja bën ndjekje të paligjshme të komunikimeve, por në kundërshtim me ligjin ka mbetur mundësia teknike -tha Naqe Çulev, Ministër i Brendshëm.

Që kur u miratuar Ligji i ri për ASK-në në mars të vitit të kaluar, OJQ-të dhe ekspertët kërkuan në mënyrë të qartë të rregullohet se në cilat raste ASK-ja do të mund ta anashkalojë ATO-n dhe të përgjojë pa ndërmjetësimin e ATO-së. Ndër vërejtjet ishte përqendrimi i pushtetit tek Kryeministri, por pas disa muaj negociata midis qeverisë dhe opozitës, Ligji u miratua unanimisht në Parlament.