Skuadra e Feronikelit, është skuadra e radhës kosovare që i është rikthyer stërvitjeve.

Javën e kaluar është marrë vendimi nga Ministria e Shëndetësisë që futbolli të rifillojë, derisa klubet kanë të drejtë t’i rikthehen stërvitjeve, transmeton portali arbresh.info.

Feronikeli përmes një postimi ka konfirmuar se lojtarët i janë rikthyer stërvitjeve dhe në ditët e ardhshme do rritet intensiteti i stërvitjeve.

“Skuadra e Feronikelit është rikthyer në stervitje pas “dritës së gjelbërt”, të dhënë nga Ministria e Shëndetësisë.

Skuadra beri punë të mirë, duke qenë së ka pasur një pauzë të gjatë shkaku i pandemisë globale që preku edhe Kosovën.

Futbollistët janë munduar të mbajmë formën me stërvitje individuale gjatë gjithë kohës dhe kjo u pa edhe në stërvitjen e sotme të mbajtur në stadiumin “Rexhep Rexhepi”.

Skuadra dukej në atmosferë të mire dhe e vendosur për të arritur optimalen e formës para fillimit të ndeshjeve të para për Kampionat dhe Kupë.

Ditëve më vijim pritet rritje e intensitetit të stërvitjeve nga trajneri, Afrim Toverlani”, shënohej në postimin e Feronikelit.

Kujtojmë se me 2-3 qershor do të zhvillohet Kupa e Kosovës, ndërsa me 7 qershor do të rifillojë Superliga e Kosovës./arbresh.info.