Këngëtarja e njohur, Shkurte Fejza, është shumë e pëlqyer nga publiku shqiptar për këngët e saj.

Ajo është shumë aktive në rrjetet sociale, përmes së cilave ndan herë pas here me fansat fotografi dhe video të ndryshme nga përditshmëria, shkruan portali arbresh.info

Periudhën e pandemisë po e kalon në fshatin e saj të lindjes, Mushtisht.

Në një intervistë në emisionin “Pasdite” në RTV Dukagjini thotë se fshati ia ka lehtësuar këtë periudhë të vështirë për të gjithë.

“Nga fillimi i marsit jam izoluar edhe unë duke anuluar shumë mbrëmje e ahengje të tjera që i kam pasur të planifikuara”, tha ajo.

 

View this post on Instagram

 

Pas pak Live ne @dukagjinirtv @pasditenertvdukagjini

A post shared by Shkurte Fejza (@shkurte.fejza) on May 13, 2020 at 8:45am PDT

Fejza thotë se në Mushtisht është duke qëndruar me bashkëshortin ndërsa fëmijët janë në Prishtinë.

“Pandemia na ka prekur të gjithëve nga ana ekonomike. Secilin në mënyrën e vet. Kosova edhe ashtu ka ekonomi të dobët dhe qytetarët po e vuajnë këtë situatë”.

Megjithatë këngëtarja thotë se do të jetë e përpiktë në respektimin e vendimeve të Ministrisë së Shëndetësisë.

“Para se gjithash është shëndeti”, tha ndër të tjera Sjkurte Fejza.

Ndërkohë, me kalimin e viteve ajo ka ndryshuar shumë si në stil ashtu edhe pamje. / arbresh.info/