Ekspert i çështjeve politike Albinot Maloku në një prononcim dhënë arbresh.info, ka deklaruar se Koalicioni i iniciuar nga LDK, AAK dhe Nisma, është demokratike dhe një fillim i mbar i ushtrimit të partneritetit të saj deri në zgjedhjet e reja pas pandemisë.

Ndërkaq, sa I përket testeve të COVID-19, të marra nga Serbia, Maloku tha se është shumë normale ngase edhe Kosova disa herë I kishte ofruar ndihma Serbisë.

“Mirëpo, pasi jemi në këtë situatë pandemie, atëherë Qeveria në detyrë duhet të vazhdojë punën e saj deri në shpalljen e zgjedhjeve të reja.

Koalicioni i iniciuar aktualisht nga Lidhja Demokratike e Kosovës, është mjaftë demokratik dhe një fillim i mbar i ushtrimit të partneritetit të saj me Aleancën për Ardhmërinë e Kosovës dhe Nisma Socialdemokrate, deri te hyrja e tyre në një listë zgjedhore për zgjedhjet e reja të cilat duhet të bëhen menjëherë pas qetësimit të kësaj situatës me pandeminë Covid-19.

Testet e shumë përfolura kohëve të fundit për Covid-19, e të cilat kanë ardhura nga Serbia në këtë gjendje pandemie, i kam parë veç nga prizmi i një momenti ku i gjithë njerizimi është përfshirë në këtë bela me virusin korona dhe secili ka nevojë për secilin. Ishte Rusia që i kishte nisur SHBA-së ndihmën e vet.

Kina i erdhi në ndihmë Italisë, e kështu me radhë. Edhe Kosova i kishte ofruar disa herë vullnetin e vet për ta ndihmuar Serbinë në përmbytjet që ndodhën atje vite më parë, por fatmirësisht nuk patë nevojë Kosova të shpenzojë asgjë.”, tha Maloku.