Spanja ka shënuar rënie tjetër në bilancin e vdekjeve nga koronavirusi.

Spanja ka raportuar 399 vdekje nga koronavirus në 24 orët e fundit, më e ulët se shifra e të dielës prej 410 dhe konfirmon trendin në rënie, transmeton lajmi.net.

Një total prej 20,852 njerëz kanë vdekur nga sëmundja në Spanjë, me mbi 200,000 të infektuar dhe më shumë se 80,000 të kuruar.

Kryeministri Spanjoll Pedro Sanchez pritet të kërkojë nga parlamenti nesër të zgjasë bllokimin deri në 11 maj.

Që nga 27 prilli, pritet që prindërit të lejohen të nxjerrin fëmijë nën 12 vjeç për ushtrime, por ka ankesa se kjo i lë keq fëmijët e tjerë të moshave 12-16 vjeç.

Ende nuk ka shenja të heqjes së kufizimeve aktuale, sipas të cilave njerëzit u lejohet vetëm të lënë shtëpitë e tyre për të shkuar në punë, për të blerë ushqim ose për shkaqe mjekësore, megjithëse ka një presion në rritje për të lejuar njerëzit jashtë për periudha të shkurtra.