Shtabi emergjent dhe ekipi profesional i komunës së Ferizajt kërkon nga qytetarët që kanë ardhur nga shtetet evropiane të vetizolohen.

Shtabi emergjent dhe ekipi profesional i komunës së Ferizajt, i krijuar rishtas për përballimin e pandemisë së virusit Corona, ka apeluar tek të gjithë qytetarët ferizajas e të tjerë, të ardhur nga shtetet evropiane e të tjera në Ferizaj me theks të veçantë të ardhurit nga Italia, Zvicra, Gjermania, Anglia dhe Franca dhe vendet e tjera nga datat 1 deri më 10 mars, të vetizolohen për së paku 14 ditë.

Po ashtu, kanë apeluar të ndalojnë krejtësisht vizitat familjare tek njëri-tjetri, që të pamundësohet shpërndarja e këtij virusi.

“Njëkohësisht, edhe ekipeve profesionale mjekësore që vizitojnë këto familje, këta qytetarë, i kërkohet të urdhërojnë vetizolimin e këtyre rasteve sipas masave mbrojtëse kundër COVID-1”, thuhet në apel.