Trajneri i Barcelonës, Quique Setien pranon se kanë kërkuar falje në lidhje me sjelljet e ndihmës- trajnerit Eder Sarabia gjatë humbjes në El Clasico ndaj Real Madridit.

Setien ka folur për situatën e krijuar te Barcelona duke thënë se Sarabia ishte jashtë rregullit me vërejtjet e tij gjatë lojës.

“Sigurisht që kemi biseduar”, ka thënë fillimisht Setien për El Periodico kur u pyet në lidhje me sjelljet e Sarabias.

“Ai është i shqetësuar gjithashtu. Ne nuk kemi kujdes për situatën. Është një çështje që duhet ta përmirësojmë veten tonë. Po përpiqemi të gjejmë një zgjidhje. Dhe ai po punon drejt saj”.

“Ne kemi kërkuar tashmë faljet që duhen të bëjmë. Dhe sidomos mua sepse, në fund të fundit, është faji im”.

“Unë kam detyrë për të kontrolluar këto gjëra”.

Setien tutje e ka pranuar se situata me Sarabia ka ndikuar shumë në të.

“Kjo situatë më ka prekur shumë. Është një temë që më shqetëson shumë. Është diçka që është shumë e rëndësishme për mua”.

“Ne mund të kritikohemi kur bëjmë zëvendësime të këqija, kur luajmë ndeshje të këqija … Për çfarëdo, por jo për sjellje”.

“Eder është një djalosh me një temperament të shkëlqyeshëm, i cili është i shkëlqyeshëm për shumë gjëra. Por, ai duhet të mësojë të kontrollojë veten e tij”.

“Ai është duke punuar në të; ai po përpiqet të përmirësojë këtë sepse ne kemi pasur situata si kjo [në të kaluarën]”, përfundoi trajneri i Barcelonës. /Telegrafi/