Ka përfunduar edhe java e 21-të në Superligën e Kosovës.

Drenica ka mposhtur Flamurtarin, ndërsa Vushtrria e Dukagjini kanë ndarë pikët, shkruan portali arbresh.info.

Drenica arriti të largohet nga zona e rënies, pasi mposhti Flamurtarin me rezultat 3 – 1.

Shillova në minutën e 14-të ndryshoi shifrat, pas dy minutave Kabashi barazoi rezultatin, kurse tre minuta para se të përfundojë pjesa e parë Shillova shënoi përsëri nga pika e bardhë.

Në pjesën e dytë ishte Hyseni që në minutën e 71-të vulosi fitoren.

Ndërsa dy pozitat e fundit të tabelës kanë ndarë pikët, pasi përfundoi ndeshja me rezultat të barabartë 3 – 3.

Marmullaku i kaloi mysafirët në epërsi në minutën e shtatë, ndërsa pas tetë minutave Salinas barazoi rezultatin, kurse në minutën e 44-të ishte përsëri Marmullaku që ngriti epërsinë e Dukagjinit.

Në pjesën e dytë ishte Elezaj që dyfishoi rezultatin për mysafirët, ndërsa Sie ngushtoi përsëri epërsinë dhe kur mendohej se gjithçka ka përfunduar ishte Istrefi në minutat shtesë i dha një pikë vendasve./arbresh.info.