Florian Dushi nga Lidhja Demokratike e Kosovës është emëruar zëvendësministër i Drejtësisë.

Dushi lajmi për emërimin në pozitën e zëvendësministrit e ka bërë të ditur në rrjetin social Facebook.

Ai për disa vite kishte qenë përfaqësues i Lidhjes Demokratike të Kosovës në Komisionin Qendror të Zgjedhjeve.

Ndryshe, në Qeverinë Kurti janë 15 ministri, 6 do të udhëhiqen nga Lëvizja Vetëvendosje, 6 nga Lidhja Demokratike e Kosovës dhe 3 ministri do të udhëhiqen nga komunitetet.

Vetëvendosje do ta udhëheqë Ministrinë e Punëve të Jashtme, Ministrinë e Drejtësisë, Ministrinë e Financave, Ministrinë e Ekonomisë, Ministrinë e Shëndetësisë dhe atë të Integrimeve Evropiane, ndërsa LDK do të udhëheq Ministrinë e Punëve të Brendshme, Ministrinë e Mbrojtjes, Ministrinë për Infrastrukturë, Ministrinë për Arsim, Ministrinë për Bujqësi dhe Ministrinë për Kulturë, Rini dhe Sport.