Policia e Vlorës ka vënë nën pranga 3 persona, për shkelje të rregullave të qarkullimit rrugor.

Policia ka vënë nën pranga shtetasin A.H., i cili ka goditur ditën e djeshme dy automjete të tjera në aksin Peshkëpi-Drashovicë, ku mbetën të dëmtuar 4 persona, fatmirësisht jashtë rrezikut për jetën.

Personi tjetër i arrestuar është shtetasi K.K, i cili ka aksidentuar në rrugë një 66 vjeçar, i cili ndodhet jashtë rrezikut për jetën.

Si dhe një tjetër shtetas u ndaluar dhe Gjykata i ka caktuar masën e sigurisë “Arrest në burg” për shkelje të rregullave të qarkullimit.

Vlorë

Policia ka arrestuar 3 persona për shkeljen e rregullave të qarkullimit rrugorë.

• Arrestohet shtetasi A.H., 36 vjeç, banues në Vlorë.

Ky shtetas u kap pasi ditën e djeshme, në aksin rrugor Peshkëpi-Drashovicë, duke drejtuar automjetin “Toyota Rave” ka goditur dy automjete të tjera duke lënë kështu të dëmtuar 4 persona, të cilët po marrin ndihmë mjekësore në Spitalin e Vlorës, jashtë rrezikut për jetën.

• Arrestohet shtetasi K.K., 29 vjeç, banues në Vlorë.

Ky shtetas u kap në lagjen “24 Maji” Vlorë, pasi duke drejtuar automjetin tip Volskwagen ka aksidentuar në rrugë një 66 vjeçar, i cili ndodhet në spital, jashtë rrezikut për jetën.

• Gjithashtu, ndalohet nga Policia shtetasi i shpallur në kërkim S.Gj., 49 vjeç, banues në fshatin Peshkëpi, Vlorë.
Ndalimi i tij u bë pasi Gjykata e Rrethit Gjyqësor Vlorë ka caktuar masën e sigurisë “Arrest në burg” për veprën penale “Shkelja e rregullave të qarkullimit rrugorë”./TCH