Eurodeputetja socialdemokrate e Sllovenisë, Tanja Fajon sot tha se “Maqedonia e Veriut është shembulli i shkëlqyer në rajon se si mbrohet demokracia, sundimi i së drejtës, liria e mediave dhe se si bëhet ndryshimi historik”.

“Në tetor u bë gabim historik ndërsa shteti dhe qytetarët tani meritojnë nisjen e bisedimeve me Bashkimin Evropian. Qeveria e Zoran Zaev në dy vitet e fundit bëri përparim të madh për vendin, si për çështjet sociale dhe ekonomike ashtu edhe në rrugën drejt BE-së”, tha Fajon, përcjell Telegrafi Maqedoni.

Sipas saj janë të nevojshme forca të tilla progresive që ta mbrojnë demokracinë dhe sundimin e së drejtës në vendet tona.

“Shohim shumë shenja të shteteve të kapura dhe mediave të kapura në rajonin tonë dhe duhet t’i mbrojë. Për këtë shkak është tepër e rëndësishme që Maqedonia e Veriut dhe Shqipëria të nisin bisedimet e merituara”, tha Fajon.