Shefi i Grupit Parlamentar të PDK-së, Bedri Hamza, gjatë konferencës për media në Kuvend ka reaguar ndaj veprimeve të kryeparlamentares Vjosa Osmani, e cila ka larguar fotografinë zyrtare të presidentit të Kosovës, Hashim Thaçi.

Hamza tha se, Fotografia e presidentit Rugova është në hapësirat e Kuvendit dhe gjatë udhëheqjes së Kuvendit nga kryetari i PDK-së, Kadri Veseli, është trajtuar me kujdes.

Sipas tij, veprimet e zonjës Osmani, opozitës ia pamundësojnë këtë dhe e largojnë nga institucioni.

“Unë e kuptoj se njerëzit kanë nevojë të inspirohen, por për gjëra të tilla janë ambientet dhe hapësirat private. Në institucionet zyrtare janë të rregulluara me ligj. Fotografia e presidentit Rugova është në hapësirat e Kuvendit dhe gjatë udhëheqjes së Kuvendit nga kryetari i PDK-së, Kadri Veseli, është trajtuar me kujdes. Në situatën në të cilën ndodhemi tani, proceset të cilat janë përpara, vlerësojmë se duhet të ketë kohezion të brendshëm. Ne besojmë që opozita e ka vendin në Kuvend. Është mirë për vendin por është mirë edhe për pushtetin. Ndërsa veprimet e zonjës Osmani, opozitës ia pamundësojnë këtë dhe e largojnë nga institucioni. Pra, si rezultat i këtij veprimi të kundërligjshëm, ne si partia më e madhe opozitare, nuk do të marrim pjesë në mbledhjen e Kryesisë së Kuvendit”, tha Hamza./arbresh.info/

https://www.facebook.com/arbresh.info/videos/628268818005050/