Arrestohet personi që u kërkua për vepra të ndryshme penale

16:41 | 5 Shkurt 2020
A. B.

Arrestohet një person i kërkuar me urdhëresë nga gjykatat për veprat penale ‘Blerje, Posedim, Shpërndarje, apo shitje e paautorizuar e narkotikëve dhe të substancave psikotropike dhe analoge’ dhe ‘Vjedhje’.

Policia e Kosovës – Drejtoria Rajonale e Policisë Pejë, ka arrestuar personin e kërkuar me urdhëresë nga Gjykatat Themelore në Pejë dhe Mitrovicë për veprat penale: Blerje, Posedim, Shpërndarje, apo shitje e paautorizuar e narkotikëve dhe të substancave psikotropike dhe analoge’ dhe ‘Vjedhje’, i dënuar me dy (2) vite e pesëmbëdhjetë (15) ditë burg.

Njësitet relevante të Stacionit Policor Pejë, pas një pune operativo-hetimore kanë arritur ta arrestojnë të dyshuarin: F.R. i lindur me 1985, m/k/sh, i cili është i dënuar me me dy (2) vite e pesëmbëdhjetë (15) ditë burg.

I njëjti pas arrestimit është dërguar në Qendrën Korrektuese në Dubravë, për vuajtje të dënimit. /arbresh.info/