Ad Banner
Ad Banner
Ad Banner
Ad Banner

Australi, gjenden dhjetëra koala të ngordhura

08:33 | 4 Shkurt 2020
Arbresh Info

Siç thekson BBC, pemët eukalipt, një habitat i rëndësishëm i koalëve, u prenë në Victoria në një plantacion, ndërsa vetëm disa pemë janë lënë të paprekura

Dhjetëra koala janë gjetur të ngordhura ose të plagosura në Australi pasi buldozerët shkatërruan shumë pemë eukalipte.

Siç thekson BBC, pemët eukalipt, një habitat i rëndësishëm i koalëve, u prenë në Victoria në një plantacion, ndërsa vetëm disa pemë janë lënë të paprekura.

Pas incidentit, autoritetet australiane filluan një hetim për të gjetur autorët.

Zyrtarët lokalë theksuan se disa kafshë kishin ngordhur nga uria në disa pemë të mbetura dhe të tjerët ishin vranë nga një buldozer.

Lily D’Ambrosio, ministre e Mjedisit në Victoria, tha se ky është një rast shumë i pafat, duke paralajmëruar ndëshkim për të gjithë ata që shkaktuan ngordhjen e koaleve.

Grupi Animals of Australia ka njoftuar se ekipet janë dërguar në vendin e ngjarjes për të shpëtuar sa më shumë nga këto kafshë të çmuara./AA

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm