Kryetari i BDI-së, Ali Ahmeti, ka uruar nënshkrimin e marrëveshjes së koalicionit ndërmjet LDK’së dhe VV’së

Në një shkrim në Facebook, Ahmeti ka shkruar se zgjedhja e insititucioneve të Kosovës ka rëndësi të madhe për gjithë rajonin.

“Lajme të mira nga Prishtina për arritjen e marrëveshjes për koalicionim midis LVV dhe LDK të arritur nga z. Kurti dhe z. Mustafa. Uroj ditë të mbarë nesër në Kuvendin e Kosovës dhe zgjedhje të qeverisë së re të dalur nga rezultati i zgjedhjeve të fundit parlamentare dhe vullneti i qytetarëve. Zgjedhja e institucioneve të Kosovës ka rëndësi të madhe për gjithë rajonin tonë dhe bashkëpunimi jonë nuk do të mungojë”, ka shkruar Ahmeti.

https://www.facebook.com/AliAhmetiOfficial/posts/2719068718129645

Lidhja Demokratike e Kosovës dhe Lëvizja Vetëvendosje sot kanë nënshkruar marrëveshjen e koalicionit për formimin e qeverisë.

Të hënën në Kuvendin e Kosovës do të mbahet seanca në të cilën pritet të votohet kryeministri i ri i vendit, kryeparlamentari dhe qeveria e re.