Seanca për Badovcin: PDK-ja kërkon sqarime për projektin e ndërtimeve

11:04 | 28 Janar 2020
Arbresh.info

Komuna e Prishtinës është duke mbajtur seancën e jashtëzakonshme për liqenin e Badocit, e cila është thirrur nga asamblistët e PDK-së.

Gjatë kësaj seance, asamblisti i PDK-së, Leotrim Retkoceri, ka kërkuar sqarime dhe informata në lidhje me tendencat për ndërtime banesore në liqenin e Badovcit.

Më tutje, Retkoceri ka thënë se si asamblistë, por të mbështetur edhe nga qytetarët, nuk do të lejojnë shkeljet ligjore në këtë çështje.

“Ne duam t’ju garantojmë se do ta mbrojmë ujin e pijshëm të liqenit nga rreziku që i vjen nga ndërtimet. Do ta mbrojmë interesin dhe të drejtat e qytetarëve të Prishtinës, sepse ky ujë është jetik për të gjithë ne”, ka thënë Retkoceri.

Retkoceri ka thënë se PDK-ja është kundër ndërtimeve që shkelin Ligjin dhe planet rregulluese në Badoc, raporton EO.