Sot është shënuar 21 vjetori i masakrës së Reçakut, ku figura politike dhe qytetarë të shumtë po bëjnë homazhe.

Ndër ta i pranishëm ishte edhe ministri i Punëve të Jashtme, Behgjet Pacolli ku përmes një postimi në Facebook, tha se sot kujtojmë e nderojmë civilët e pafajshëm, viktimat e Masakrës së Reçakut, të cilët u masakruan nga forcat serbe, dhe çdo ditë, ne do të bëjmë thirrje për vendosjen e drejtësisë dhe ndëshkimin e përgjegjësve për krimet kundër njerëzimit të kryera gjatë luftës së fundit në Kosovë, shkruan portali arbresh.info

Postimi i tij i plotë:

Sot kujtojmë dhe nderojmë civilët e pafajshëm, viktimat e Masakrës së Reçakut, të cilët u masakruan nga forcat serbe. Por sot, dhe çdo ditë, ne do të bëjmë thirrje për vendosjen e drejtësisë dhe ndëshkimin e përgjegjësve për krimet kundër njerëzimit të kryera gjatë luftës së fundit në Kosovë.
Urdhërdhënësit dhe ekzekutuesit e kryerjes së masakrës së Reçakut dhe masakrave tjera në Kosovë, sot udhëheqin shtetin serb.
Ata madje edhe e mohojnë këtë masakër duke shkaktuar krimin e tmerrshëm të radhës.
Lavdi të rënëve. /arbresh.info/