Ish-deputeti i AKR-së në Kuvendin e Kosovën, Islam Pacolli, demanton për shpifjet që kanë bërë disa portale, kinse ai ka deklaruar që :”Në Kosovë mund t’ia dalësh të jetosh mirë edhe me 130 euro”.

Pacolli në një postim në facebook, shkruan se, unë tërë jetën time jam munduar dhe kam luftuar që mirëqenia e popullit tim të jetë sa më e mirë./arbresh.info/

Ja postimi i plotë:

Të nderuar qytetarë më duhet të njoftoj që disa Portale kanë bërë shpifje, me ç’rast kanë shpërndarë një lajm ku kinse kam deklaruar që :”Në Kosovë mund t’ia dalësh të jetosh mirë edhe me 130 euro”.

Unë tërë jetën time jam munduar dhe kam luftuar që mirëqenia e popullit tim të jetë sa më e mirë, e gjithashtu edhe në mandatin e kaluar si deputet, jam angazhuar maksimalisht për të drejtat e njerëzve dhe mirëqenien e tyre.

Unë në të ardhmen do të angazhohem edhe më shumë për të mirën e popullit tim!

Me respekt,

Islam Pacolli