Në Francë edhe sot kanë vazhduar protestat dhe greva për shkak të reformës së pensioneve, të cilën synon ta zbatojë administrata e presidentit të vendit Emmanuel Macron, raporton Anadolu Agency (AA).

Greva e të punësuarve në sektore dhe protestat po zgjasin tashmë 8 ditë. Mijëra qytetarë me pankarta në duar edhe sot dolën nëpër rrugët e qyteteve franceze, në radhë të parë të Parisit.

Për shkak të grevës në shtatë ditët e fundit ka vonesa në trafikun publik. Në Paris për çdo ditë trafiku është në kolaps.

Gjatë protestave në Paris, të cilat mbështeten nga dhjetëra mijëra persona, ditët e fundit ka pasur përleshje mes forcave të sigurisë dhe demonstruesve.

Gjatë intervenimit të policisë janë plagosur disa gazetarë, në mesin e të cilëve edhe fotoreporteri i AA-së, Mustafa Yalçın.