Një person është arrestuar dje në fshatin Pakashticë e Epërme të Podujevës pasi dyshohet të ketë publikuar një fotografi duke shtënë me armë.

Policia e Kosovës ka njoftuar se i dyshuari kishte publikuar fotografinë duke shtënë me armë zjarri në oborrin e tij, shkruan arbresh.info.

Në raportin 24v orësh thuhet gjithashtu se të dyshuarit i është konfiskuar arma M-48 me leje.

Ajo ishte pronë e të prindërve të të dyshuarit dhe i njëjti kishte keqpërdorur armën.

“Fshati Pakashticë e Epërme, Podujevë 12.11.2019 – 16:00. I dyshuari mashkull K-Shqiptar është shoqëruar në stacionin policor, pasi që i njëjti kishte publikuar foto duke shtënë me armë zjarri në oborrin e tij. Është konfiskuar arma M-48 me leje e cila ishte pronë e prindërve të të dyshuarit dhe i njëjti kishte keqpërdorur armën. Me vendim të prokurorit rasti shkon në procedurë të rregullt”, thuhet në raportin e Policisë./arbresh.info/