Liverpooli u ka dhënë kujtime të paharrueshme shumë tifozëve të vet gjatë udhëtimeve për ndeshjet në netët evropiane gjatë viteve të fundit. Tani, dy tifozë të tjerë e kanë edhe një histori interesante për ta treguar, pasi që ata udhëtuan në Gent të mërkurën, e jo në Genk.

Skuadra e Jurgen Kloppit siguroi fitore bindëse me rezultat 4:1 në ndeshjen e tyre të fundit të Ligës së Kampionëve, mirëpo dy tifozë të Liverpoolin e gjetën veten në një pjesë të gabuar të Belgjikës, e jo në vendin ku po zhvillohej ndeshja Genk – Liverpool, transmeton Gazeta Express.

Në mesin e tifozëve që kishin udhëtuar në Belgjikë nga Anglia ishin edhe dy nga Liverpooli, të cilët besonin se e kishin planifikuar udhëtimin e tyre në perfeksion.

Për fat të keq të tyre, gjeografia dhe leximi i gabueshëm ua prishi atyre udhëtimin. Një shkronjë e bën dallimin mes dy vende, por edhe 93 milje rrugë.

https://www.facebook.com/Radio2OostVlaanderen/posts/2879894802054694

Pasi ata udhëtuan deri në Gent të Belgjikës, e kuptuan se duhej të kishin qenë në një pjesë krejt të kundërt në Belgjikë.

Megjithatë, ata vendosën ta shikojnë ndeshjen në një lokal në Gent, përkundër që kishin paguar për ta shikuar skuadrën e tyre nga afër.

Por, lajmi i mirë për dy tifozët është se pasi klubi Gent e mori vesh historinë e tyre, i ftoi dy tifozët për ta përcjellë ndeshjen e Gentit kundër Ëolsburgut në kuadër të Ligës së Evropës.

https://twitter.com/KAAGent/status/1187254549469380608?ref_src=twsrc%5Etfw%7Ctwcamp%5Etweetembed%7Ctwterm%5E1187254549469380608&ref_url=https%3A%2F%2Fwww.gazetaexpress.com%2Fhuqja-e-tifozeve-te-liverpoolit-e-ngaterrojne-qytetin-mbesin-pa-e-pare-ndeshjen%2F