Pas barazimit kundër Dritës me rezultat 1 me 1, Drenica ka marrë pikë edhe në takimin e sotëm (e mërkurë) kundër Prishtinës.

Takimi i mbetur i xhiros së tetë në kuadër të Superligës ndërmjet Prishtinës dhe Drencës është zhvilluar pasditen e sotme dhe mysafirët kanë arritur të marrin pikë në “Fadil Vokrri” duke mbyllur takimin pa gola, shkruan portali arbresh.info.

Pjesa e parë e ndeshjes nuk solli aspak raste dhe madje as nuk kishte goditje drejtë portës nga asnjëra skuadër.

Por, gjërat ndryshuan në fraksionin e dytë ku nikoqirët tentuan gjithçka për t’iu kthyer fitoreve duke goditur edhe shtyllën.

Sidoqoftë, rastet nuk u konkretizuan dhe klubet ndanë pikët duke barazuar me rezultat 0 me 0.

Prishtina në pozitën e gjashtë tani ka 13 pikë – shtatë më pak se Ballkani si lider, ndërsa Drenica gjendet në pozitën e tetë me nëntë pikë./arbresh.info/