Ditëve të fundi mediat ndërkombëtare kanë mbushur ballinat me ndarjen e një prej çifteve më të njohura në botë, Kylie Jenner dhe Travis Scott.

Dyshja i dhanë fund lidhjes më shumë se dy vjeçare javë e kaluar, ndërsa menjëherë u raportua se Kylie është rikthyer në krahët e ish-të dashurit, Tyga.

Deri më tani që të dyja palët kishin heshtur duke mos e komentuar ndarjen, mirëpo është Kylie ajo që ka reaguar duke mohuar të jetë rikthyer me Tygan.

“Interneti e bën gjithçka 100 herë më dramatike se sa është në të vërtetë. Nuk kishte asnjë takim në ora 2:00 pas mesnatës me Tyga. Unë isha me dy miqtë e mi në studion time. Unë dhe Travis kemi raporte të shkëlqyera dhe fokusi ynë kryesor tani është Stormi. Miqësia jonë dhe vajza është përparësi”, ka shkruar Kylie.