Kryeministri grek, Kyriakos Mitsotakis ka kritikuar Presidentin turk, Recep Tayyip Erdogan në lidhje me deklaratën e bërë javën e kaluar mbi hapjen  e portave për refugjatët sirianë.

Turqia është kthyer në shtëpi për më shumë se 1 milionë refugjatë sirianë, të cilët janë larguar nga zonat e luftës, transmeton portali arbresh.info

Në një konferencë për shtyp në Selanik, Mitsotakis tha se “Erdogan nuk mund të kërcënojë Greqinë dhe BE-në me qëllim që të fitojë më shumë para”.

Sipas tij, Turqia është duke u përpjekur që të fitojë më shumë para në emër të refugjatëve, edhe pse ka marrë ndihmë rreth 6 milionë euro nga Bashkimi Europian.

Kryeministri grek ka kritikuar edhe vendet e BE-së që nuk kanë bërë pjesën e tyre mbi pranimin e refugjatëve, veçanërisht për fëmijët e pashoqëruar.

“Nëse ata nuk mund të tregojnë solidaritet me anëtarët e tjerë të BE-së, atëherë ato vende nuk duhet të jenë pjesë e zonës Shengen”, tha ai.

Në Greqi vazhdojnë të qëndrojnë mijëra refugjatë dhe emigrantë të cilët dita ditës presin që të vazhdojnë jetën në vendet e pasura të BE-së.

Greqia është kritikuar vazhdimisht nga organizatat për të Drejtat e Njeriut për shkak të kushteve të dobëta që ka krijuar për pritjen e refugjatëve dhe emigrantëve./arbresh.info/