Zyrtari i Aleancës për Ardhmërinë e Kosovës, Besnik Tahiri, përmes një shkrimi në llogarinë e tij në rrjetin social Facebook, ka treguar se dega e kësaj partie në Llap është e gatshme për zgjedhjet e 6 tetorit.

Ai ka thënë se si kurrë më parë po rritet energjia dhe numri i mbështetësve të AAK’së në këtë rajon, shkruan Express.

“Në Llap me strukturat 100% të përkushtuara për garën e 6 tetorit. Këto dit si kurrë më parë po rrisim energjinë, që së bashku strukturat dhe shumë mbështetës në Llap të fuqizojmë mbështetjen për 100% shtet” shkroi Tahiri.

Ai gjithashtu shtoi se Haradinaj është strumbullari më i madh i integritetit të shtetit.

“Përtej ngjyrave të politikës, por edhe ata që flasin ndryshe, thellësisht në mendjet dhe zemrat e tyre e dinë dhe e ndiejnë se Kryeministri Haradinaj është strumbullari më i madh integritetit të shtetit 100%” shkroi Tahiri.

Në fund, Tahiri tha se të gjitha kërkesat e këtij rajoni janë aprovuar nga qeveria e udhëhequr nga kreu i partisë së tij dhe se mbështetja për të është pa kushte.

“Për Llapin, ska kërkesë që nuk e kemi aprovuar, askush smund ta dëshmojë të kundërtën se kjo është e vërteta. Llapi do ta kthejë me besim 100% mbështetjen pa kushte e dallime” shkroi ai.

Zgjedhjet në vend do të mbahen me datën 6 tetor. Aleanca për Ardhmërinë e Kosovës garon në listë të përbashkët me Partinë Socialdemokrate të Shpend Ahmetit.