Mogherini: Ka ardhë koha që kosovarëve t’u liberalizohen vizat

epa05561584 Federica Mogherini (R), High Representative of the European Union for Foreign Affairs and Security Policy, and European Commissioner for European Neighbourhood Policy and Enlargement Negotiations Johannes Hahn (L) arrive for a news conference in Brussels, Belgium, 29 September 2016. The news conference was held on the relations between EU and Tunisia with comments on the situation in Aleppo, Syria. EPA/OLIVIER HOSLET

14:38 | 30 Gusht 2019
M. A.

Federica Mogherini ka thënë se duhet të merret një vendim final për liberalizimin e vizave për Kosovën.

Ka ardhur koha për liberalizimin e vizave për Kosovën, ka thënë përfaqësuesja e lartë për politikë të jashtme dhe siguri e Bashkimit Evropian, Federica Mogherini në Helsinki, pas takimit të Ministrave të punëve të jashtme të shteteve anëtare të BE-së dhe Ballkanit Perëndimor.

Sipas saj, Komisioni Evropian ka thënë se ka ardhur koha të hiqen vizat për shtetasit e Kosovës.

“Vendimin për këtë duhet ta marrë Këshilli i Evropës dhe është koha e fundit të ndodh. Shpresoj që shtetet e BE-së do ta marrin atë vendim”, theksoi Mogherini.

Kurse, ajo ka shtuar se Ballkani Perëndimor është shumë i rëndësishëm nga aspekti strategjik për BE-në dhe duhet të integrohet ajo hapësirë.

“Nga aspekti strategjik është me rëndësi që BE-ja të jetë e bashkuar sa i përket zgjerimit të saj. Shtetet e Ballkanit Perëndimor kufizohen me shtetet anëtare të BE-së dhe krijojnë një ishull brenda Bashkimit”, deklaroi ajo.

Ajo theksoi se inkuadrimi i Ballkanit Perëndimor në BE është i rëndësishëm edhe për pajtimin e atyre shteteve që kanë luftuar para 20 vjetësh. Asnjë kriter botëror nuk është i shfaqur në atë hapësirë si BE, sa i përket tregtisë dhe investimeve, theksoi Mogherini.