Arsenali raportohet të ketë rënë dakord me Chelsean për nënshkrimin me mbrojtësin David Luiz, por cilin numër do të bartë braziliani në Emirates?

Trajneri i Arsenalit, Unai Emery synon të përforcojë mbrojtjen e tij këtë verë ndonëse duket se ka lënë gjërat deri në momentin e fundit, transmeton portali arbresh.info.

Luiz pritet të transferohet te Arsenali nga rivali i tyre në Premierë Ligë para orës 18:00.

Kieran Tierney mund të bëjë gjithashtu kalimin nga Celticu për shkak se Emery dëshiron t’i shtojë mbrojtjes edhe një talent.

Luiz ka bartur fanellën me numër 30 te Chelsea sezonin e kaluar, por duket se nuk ka ndonjë numër të preferuar.

Ai nuk do të bartë fanellën me numër 30 për shkak se ajo aktualisht i takon Eddie Nketiahs, megjithëse sulmuesi i ri i talentuar pritet të largohet në formë huazimi nga Emirates.

Braziliani pritet të marrë fanellën me numër 23, e cila për herë të fundit është bartur nga Danny Welbeck./arbresh.info/