Vizita e presidentit të SHBA-së, Donald Trump në Varshavë për të marrë pjesë në ngjarjet që do të shënojnë 80-vjetorin e shpërthimit të Luftës së Dytë Botërore u konfirmua, deklaroi zëvendëskryeministri polak, Jacek Sasin.

Sasin theksoi se ”festimet e përvjetorit do të mbahen në Varshavë dhe jo në Westerplatte, siç ishte planifikuar fillimisht, sepse Varshava është kryeqyteti i Polonisë, ku organizohen ceremonitë më të rëndësishme shtetërore”.

Ai shtoi se Westerplatte, një gadishull në qytetin bregdetar të Gdanskut, vendi i betejës së parë pas pushtimit të Polonisë në vitin 1939, që shënoi fillimin e Luftës së Dytë Botërore në Evropë, do të bëhet “një pjesë e rëndësishme e kremtimeve”.

Presidenti polak, Andrzej Duda dërgoi ftesa për të gjithë liderët e vendeve që formuan aleancën anti-naziste gjatë Luftës së Dytë Botërore dhe prania e tyre është konfirmuar aktualisht./atsh/