Forcat kufitare të Britanisë kanë ndaluar 74 emigrantë, duke përfshirë fëmijë, që dëshironin të futeshin me anije nëpërmjet kanalit të Anglisë në Britani të Madhe. Dy anije tjera janë ndaluar nga autoritetet franceze.

Ndalimet kanë ardhur në një kohë shumë të mirë meteorologijke në Britani. Kjo ka shtyrë autoritetet të mendojnë që moti i mirë mund të ndikojë që edhe më shumë emigrant të provojnë të futen në Britani në këtë mënyrë.

“Numri i emigrantëve që po provojnë të kalojnë kufirin është shumë i madh dhe ne jemi të shqetësuar”, ka thënë sekretari i punëve të brendshme të Britanisë, Sajid Javid.

Emigrantët që po provojnë të kalojnë në Britani në  këtë mënyrë po vënë jetën e tyre në rrezik pasi që kanalet në jug të Anglisë janë ndër më të frekuentuarat prej anijeve me mallra që kalojnë nëpërmjet tyre./Express