Tërheqja kandidatëve nga gara, Patozi tregon kush i ka kërcënuar

22:36 | 24 Maj 2019
Trina Galanxhi

Kreu i Partisë Bindja Demokratike Astrit Patozi shprehet se kandidati i kësaj partie që ishte në garë për bashkinë e Skraparit dha dorëheqjen pasi u kërcënua nga njerëzit e PS.

Në emisionin Zonë e Lirë, Patozi tha se LSI është shumë e fortë dhe ka shumë vota në Skrapar dhe nëse votat e saj i shkonin Bindjes, PS do të humbte ndaj e hoqi kandidatin e tyre.

‘As PD dhe as LSI nuk e hoqën, PS nuk donte që të kishte ferra nëpër këmbë. Po them që ai deputeti i zonës atje dhe kandidati, e kërcënuan dhe e hoqën. Interesi është ky, ka një faktor LSI që është shumë i fortë aty dhe nëse ky faktor bëhet me ne dhe na shikon më shumë çfarë bëhet? Nëse bëhet me këtë tonin faktori i LSI, fitonim ne dhe prandaj PS e hoqi se humbisnin Skraparin’, tha Astrit Patozi.