U bë virale në rrejtet sociale kur në fund të fjalimit të saj në panairin e punës tha se të rinjtë që kanë ardhur “do të korrin atë që do të mbjellin”, një frazë e urtë popullore kudo në botë, por që në fakt kumtohet ndryshe “atë që do të mbjellësh, atë do të korrësh”.

Por edhe pse gafa është e dukshme, sipas zv.Ministres së Arsimit Lorena Haxhiu, ajo nuk ka bërë asnjë gabim. Zv.Ministrja fajëson median që sipas saj e ka deformuar fjalën duke e nxjerrë nga konteksi. Sipas Haxhiut, logjika e saj ishte e thjeshtë, se të rinjtë “do të korrin” në panair dhe më pas do ta “mbjellin” në të ardhmen në tregun e punës.

Më poshtë reagimi i plotë i zv/ministres:

“Ka tekst, por ka edhe kontekst” – citonte dikur një profesori im në auditoret e Fakultetit.

M’u kujtua sot, teksa portalet e futën në makinerinë e tyre dhe e nxorën të deformuar e jashtë kontekstit fjalën time të djeshme në çelje të Panairit të Punës.

“Atë që ju do të korrni (në panairin e punës), atë do të mbillni dhe në të ardhmen (në tregun e punës)!” ishte fjalia ime përmbyllëse drejtuar të sapodiplomuarve, teksa prisnin të vizitonin stendat, për të korrur frytet e punës së tyre, pas vitesh të tëra studimi, lodhjeje, mundi e sakrifice.

Duket që nuk paska patur mjaftueshëm lajme të këqija dje… Nice try