Për shumë njerëz të kujdesesh për veten do të thotë të vishesh me tendencat e fundit, të bësh trajtime bukurie apo të ndryshosh modelin e flokëve çdo muaj. Por mos harroni se ajo që pasqyrojmë jashtë është rezultat i asaj që fsheh nga brenda organizmi.

Sipas ekspertëve të shëndetit, shëndeti i mirë nis me sistemin tretës i cili shërben si mburojë për organizmin. Ai është i lidhur direkt me trurin, por edhe me shëndetin e përgjithshëm: duke shkaktuar si rrjedhojë: ankth, luhatje të humorit, probleme me lëkurën, , infeksione të shpeshta, madje dhe diabet. Për këtë arsye duhet t’i kushtoni rëndësi detoksikimit të zorrës së trashë. Dhe për ta bërë këtë të fundit, ju mjaftojnë frutat e mëposhtme:

Perimet me gjethe jeshile: Spinaqi, lakra jeshile, sallata jeshile, lakra e Brukselit dhe selinoja etj janë disa nga perimet që ju ndihmojnë të pastroni zorrën e trashë. Perimet jeshile përmbajnë klorofil, i cili eliminon bakteret e akumuluara në zorrën e trashë dhe shëron muskujt e traktit gastrointestinal.

Hudhra: Hudhra ka veti mjaft të dobishme për pastrimin e sistemit tretës. Ka veti antivirale, antibakteriale dhe anti-parazitare, të cilat ndihmojnë për të hequr toksinat dhe parazitët nga zorra e trashë.

Molla: Molla është një nga frutat më të mira për pastrimin e zorrës së trashë. Molla është e pasur në fibra dhe ndihmon në tretje, ajo është e pasur me pektinë, një element i cili vepron si një pastrues brenda në zorrë, duke eliminuar mbeturinat që gjenden aty.

Limoni: Për shkak të përbërësve që mbart, limoni vepron si antiseptik dhe pengon rritjen e mikroorganizmave në zorrë. Pini një gotë ujë me limon në mëngjes dhe do t’ju ndihmojë në pastrimin e zorrës së trashë.

Avokadoja: Avokadoja është e pasur me acide yndyrore Omega-3, të cilët shërbejnë si një lubrifikant për muret e zorrëve, që pastrojnë zorrët dhe parandalojnë problemet e tretjes./living.al/