Kryeministri Haradinaj edhe një herë ka folur për pagën minimale në Kuvendin e Kosovës, shkruan Arbresh.info

Kryeministri u shpreh se ky problem me pagën minimale ka ekzistuar qysh nga Qeveritë e kaluara dhe se përgjegjësin që nga ajo kohë nuk mund ta merr ai.

“Nga Qeveritë e kaluara paga në sektor publik është rritë në vazhdimësi, ndërsa paga në sektor privat nuk është prekë asnjëherë. Edhe ju lus ta ruajmë një kredibilitet të diskutimit. Unë mundem me qenë fajtorë për shumë sene, po s’mundem me qenë fajtor prej 2011” u shpreh Haradinaj

Ai gjithashtu potencoi se është hera e parë pas tetë viteve, që fillohet të diskutohet për sektorin privat.

“Hera e parë që pasi e kemi stabilizuar sektorin publik e që po mund t’i kthehemi sektorit privat. Unë kam provuar me i marrë kontributet e juaja. Para një kohe parlamenti më ka obliguar me i mbyll lojërat e fatit, pra parlamenti ka përgjegjësi në këtë aspekt” tha Haradinaj

Kujtojmë se pas përfundimit të debatit, do të votohet një rezolutë në Kuvendin e Kosovës./Arbresh.info